ຜ່ານການດໍາເນີນກິດຈະການ ການກໍ່ສ້າງຢູ່ແຕ່ລະບັນດາໂຄງການຕ່າງໆ ທາງບໍລິສັດ ສາມາດຄວບຄຸມບັນຫາຜົນກະທົບຕໍ່ສັງຄົມ ແລະ ສິ່ງແວດລ້ອມຢູ່ໃນລະດັບດີ ລວມເຖິງການຫຼູດສະຖິຕິ ການເກີດອຸບັດຕິເຫດຈາກການເຮັດວຽກ ໄດ້ໃນລະດັບທີ່ເປັນທີ່ຍອມຮັບ. ການຈັດການບັນຫາຜົນກະທົບຕໍ່ສິ່ງແວດລ້ອມ ຍົກຕົວຢ່າງເຊັ່ນ: ການບໍາບັດນໍ້າເສຍ, ການຈັດການກັບຂີ້ເຫຍື້ອ ທີ່ເກີດຈາກການກໍ່ສ້າງ ຢ່າງສະໝໍ່າສະເໝີ ແລະ ຖືກວິທີ, ດ້ວຍການຈັດການທີ່ໄດ້ມາດຕະຖານ, ກໍາຈັດວັດຖຸອັນຕະລາຍໂດຍຜູ້ຊໍານານສະເພາະດ້ານ, ສໍາລັບວັດສະດຸ ຫຼື ເຫຼັກເສັ້ນຮູບປະພັນ, ອຸປະກອນເຄື່ອງຈັກ, ເຄື່ອງໃຊ້ຫ້ອງການທີ່ເຫຼືອຈາກໂຄງການ ແມ່ນໄດ້ມີການຈັດເກັບເປັນຢ່າງດີ ດ້ວຍລະບົບສາງທີ່ມີຄວາມປອດໄພສູງ ເພື່ອໃຫ້ສາມາດນໍາກັບໄປນໍາໃຊ້ ໃນໂຄງການອື່ນໆໄດ້. ສ່ວນເສດວັດສະດຸ ປະເພດເຫຼັກ, ເສດໂລຫະ, ຢາງລົດເກົ່າ, ນໍ້າມັນເຄື່ອງ ທີ່ໃຊ້ແລ້ວ ຈະນໍາເອົາໄປປະມູນຂາຍ ໃຫ້ແກ່ຜູ້ຕ້ອງການນໍາໄປໝູນໃຊ້ ຫຼື ນໍາກັບໄປແປຮູບ ເພື່ອນໍາກັບມາໃຊ້ໃໝ່ (Recycle), ນອກນັ້ນ ທາງບໍລິສັດ ຍັງໄດ້ມີການຝຶກອົບຮົມ ໃຫ້ພະນັກງານພາຍໃນ ບໍລິສັດ ມີຄວາມຮູ້ດ້ານຄວາມປອດໄພ ແລະ ສິ່ງແວດລ້ອມ ຢ່າງຕໍ່ເນື່ອງ.